Təxminən dörd ay əvvəl paytaxtın Səbail rayonu, Badamdar yamacında baş verən sürüşmə səbəbindən avtomobil yolunda nəqliyyatın hərəkətinə məhdudiyyət tətbiq edilib. Lakin hadisədən aylar keçməsinə baxmayaraq, yol hələ də bağlıdır.
Xezerxeber.az-a istinadən məlumata görə, təhlükəsizlik məqsədilə bağlanan yolda nə iş görülür, nə də istifadəyə verilir.
Sakinlərin sözlərinə görə, yolun aylardır bağlı qalması onların gündəlik hərəkətinə ciddi çətinlik yaradır. Bu səbəbdən getməli olduqları məsafə uzanır, mənzil başına çatmaq üçün xeyli əlavə yol qət etməli olurlar.
53 nömrəli marşrut xətti üzrə fəaliyyət göstərən avtobuslar da yolun bağlı olması səbəbindən hərəkət istiqamətini dəyişmək məcburiyyətində qalıb. Sürücülər deyirlər ki, avtobuslar daha uzun məsafə qət edir və bu da vaxt itkisinə səbəb olur.
Mənbə: azxeber.com
scorpion.az