Şimali Kipr Türk Respublikasının (ŞKTR) Girnə sahillərində sərnişin bərəsinin aşması ilə bağlı aparılan təhqiqat çərçivəsində gəminin kapitanı və 7 heyət üzvü saxlanılıb.
Şimali Kiprdə gəmi faciəsi ilə bağlı 8 nəfər saxlanılıb.
Bu barədə Baş nazir Ünal Üstel məlumat verib.
Saxlanılanlar arasında gəminin kapitanı və 7 əməkdaş var.
***
Şimali Kipr sahillərində batan gəmi ilə bağlı xilasetmə əməliyyatı davam edir.
Globalinfo.az xəbər verir ki, indiyə qədər 242 nəfər xilas edilib, 8 nəfər ölüb.
17 nəfərin axtarışı davam etdirilir.
***
Şimali Kiprin Girnə şəhəri sahillərində sərnişin gəmisinin batması nəticəsində 7 nəfər ölüb, 237 nəfər xilas edilib.
Bu barədə Şimali Kiprin Baş naziri Ünal Üstel məlumat verib.
Hazırda hadisə yerində 23 nəfərin axtarışı və xilas olunması istiqamətində əməliyyat davam etdirilir.
***
Şimali Kipr Türk Cümhuriyyətinin (ŞKTC) Baş naziri Ünal Üstel indiyə qədər 172 nəfərin xilas edildiyini, 6 nəfərin öldüyünü açıqlayıb.
Bu arada gəminin batmasına dair ilkin ehtimal məlun olub. Ünal Üstel bildirib ki, ilk dalğa zərbəsindən sonra kapitan və gəmi heyətinin səylərinə baxmayaraq ikinci dalğa gəmini vurub, gəmiyə su dolmağa başlayıb.
***
Şimali Kipr sahillərində batan gəmi ilə bağlı xilasetmə əməliyyatı davam edir.
ŞKTC Baş naziri gəminin batması nəticəsində ölənlərin də olduğunu qeyd edib.
***
Şimali Kipr sahillərində batan gəmi ilə bağlı xilasetmə işləri davam edir.
Girnə Bələdiyyə sədri Murat Şenkul 160 nəfərin xilas edildiyini, hazırda onların limana gətirildiyini bildirib.
Şimali Kipr Türk Cümhuriyyəti ictimai işlər və nəqliyyat naziri Erhan Arıklı isə artıq 100 nəfərin sahilə çıxarıldığını açıqlayıb.
***
Şimali Kiprin Girnə şəhəri sahillərində çox sayda sərnişin daşıyan gəmi batıb.
Globalinfo.az xəbər verir ki, bu barədə “TRT Haber” məlumat yayıb.
Bildirilib ki, hadisə sahildən bir neçə kilometr aralıda baş verib.
İlkin məlumatlara əsasən, gəmidə 260-a yaxın sərnişin olub. Bəzi son məlumatlarda isə göyərtədəki insanların sayının daha çox olduğu bildirilir.
Hadisədən dərhal sonra bölgəyə xilasetmə qrupları və sahil mühafizə qüvvələri cəlb olunub. Hazırda dənizdə axtarış-xilasetmə əməliyyatı davam etdirilir.
Gəminin hansı səbəbdən batdığı və göyərtədəki insanların vəziyyəti barədə hələlik rəsmi açıqlama verilməyib.
Mənbə: globalinfo.az
.jpg)
scorpion.az