Rusların beton dağıdan bombalardan istifadə etməsi görünür, psixoloji təsirin gücləndirilməsinə xidmət edir.
Bunu Rusiya işğalçılarının Kiyevdəki körpülərə zərbələrini şərh edən analitik, aviasiya eksperti Konstantin Krivolap Radio NV-nin efirində bildirib.
“Məqsəd körpüləri məhv etmək deyil. Çünki düşmənin hazırda istifadə etdiyi vasitələrlə körpüləri sadəcə “cızmaq”, yol örtüyündə deşik açmaq olar, amma körpünü sıradan çıxarmaq mümkün deyil. Bununla belə, onlar məqsədlərinə çatırlar: biz körpülərdə hərəkəti dayandırırıq”, – deyə o bildirib.
“Şahed’in “bığları” olan fotosu ortaya çıxır. Bəlkə də bunlar Peskovun bığlarıdır, bilmirəm. Amma onların təyinatının nə olduğunu hələlik anlamaq çox çətindir”, – ekspert qeyd edib.
O əlavə edib ki, rusların xüsusi təyinatlı kumulyativ-kəsici vasitədən istifadə etməyə başladığı barədə məlumat yayılıb.
“Bu, 50 kiloqramlıq döyüş başlığıdır və o, daha dörd hissəyə bölünür. Elektrikötürücü xəttin dayağına dəyməsi görüntülənib. Bundan başqa, əslində, bu qurğunun mövcud olduğuna, ciddi nəsə etdiyi və hansısa obyektə ciddi zərər vura bildiyinə dair hər hansı digər sübut yoxdur”, – Krivolap vurğulayıb.
Xatırladaq ki, ruslar 2026-cı il oktyabrın 1-i və 2-də pilotsuz uçuş aparatları ilə Cənub körpüsünə bir neçə dəfə hücum edib. Hücumlardan biri zamanı körpüdən metro qatarı keçirdi. Sərnişinlər və maşinist xəsarət almayıb.
Oktyabrın 2-də Kiyev meri bu körpüyə yeni zərbə endirildiyini bildirib. Bir neçə hücumdan sonra qurğu avtomobil və metro nəqliyyatının hərəkəti üçün bağlanıb, daha sonra isə qismən bərpa edilib.
Bu gün, oktyabrın 3-də Rusiya işğalçıları səhər tezdən Kiyevdəki Şimal körpüsünə reaktiv dronla yenidən zərbə endirib.
Oktyabrın 4-də səhər saatlarında ruslar Şimal körpüsünə zərbə endirib və yol örtüyündə çuxur yaranıb.
Bizim.Media
Mənbə: bizim.media
scorpion.az