Bakının Xətai rayonunda iki avtomobilin toqquşması ilə nəticələnən yol-nəqliyyat hadisəsi baş verib.

APA xəbər verir ki, qəza 8 Noyabr prospekti ilə Süleyman Əhmədov küçəsinin kəsişməsində qeydə alınıb.

Yol kəsişməsində "BMW" və “Khazar” markalı minik avtomobilləri toqquşub.

Avtomobillərə ziyan dəyib. Hadisədə bir nəfər yüngül xəsarət alıb.

Əraziyə polis əməkdaşları cəlb edilib. Hadisənin təfərrüatı araşdırılır.

Mənbə: apa.az