Belçikada federal hökumətin işsizlik müavinətlərinə tətbiq edəcəyi məhdudiyyət nəticəsində 113 min adamın işsizlik müavinətini itirəcəyi bildirilib.
Federal hökumət işsizlik müavinətlərini maksimum iki illə məhdudlaşdırmağa qərar verib.
2026-cı ilin əvvəlində qüvvəyə minməsi planlaşdırılan yeni tənzimləmə çərçivəsində 113 min adam işsizlik müavinəti hüququnu itirəcək.
Uzunmüddətli tibbi problemi olan, lakin işə tam yararsız olduğu barədə arayışı olmayan şəxslərə verilən mühafizə müavinəti də ləğv ediləcək.
İstisna yaşı 55-dən yuxarı, 30 ildən çox işləyən şəxslər üçün nəzərdə tutulub. Bu insanlar işsizlik müavinəti almağa davam edəcəklər.
Onu da qeyd edək ki, bu və buna bənzər qənaət siyasətləri son vaxtlar ölkədə ciddi etirazlarla qarşılanır.
Mənbə: www.bakupost.az
scorpion.az