İstanbulun Beyoğlu adlanan mərkəzi ərazisində xanım turistə qarşı nalayiq hərəkətlər edən dondurma satıcısı barəsində tədbir görülüb.
Türkiyə mediasına istinadən xəbər verilir ki, “külah oyunu” adı ilə gənc xanıma fiziki təmas edən şəxsin işlədiyi obyekt bağlanıb. Həmin şəxs barəsində isə aidiyyəti qurumlar tərəfindən araşdırmalar aparılır.
Bildirilir ki, Maraş dondurması məntəqəsində “külah oyunu” turistik element kimi çox yayılıb. Lakin Beyoğlundakı hadisə zamanı milli geyimdə olan dondurmaçının hərəkətləri etiraza səbəb olub. Türkiyənin turitsik imicinin qorunması məqsədilə bu kimi hərəkətlərə qarşı sərt tədbirlər görülür.
Mənbə: qafqazinfo.az
scorpion.az