Bolqarıstanda keçirilən 12-ci Sofiya Suya Tullanma Kubokunun üçüncü yarış günündə də yeniyetmələrdən ibarət Azərbaycan milli komandasının üzvü Maqsud Tahirli bütün rəqiblərini üstələyib.
Üzgüçülük Federasiyasının Mətbuat Xidmətindən verilən məlumata görə, bu dəfə 1 metrlik tramplindən tullanışda o, qızıl medal qazanıb.
Bundan öncə Tahirli həm 5 metrlik platforma, həm də 3 metrlik tramplindən tullanışlarda da digər iştirakçılardan daha yüksək nəticə göstərərək fəxri kürsünün ən üst pilləsinə layiq görülüb.
Ümumilikdə yarışda 11 ölkənin 160-dan çox yeniyetmə idmançısı iştirak edir.
Mənbə: publika.az
scorpion.az