İran Yerin məsafədən zondlanması üçün "Nour 3" peykini uğurla orbitə çıxara bilib.

Yenisabah.az IRNA-ya istinadla xəbər verir ki, peyk 450 km yüksəklikdə orbitə çıxarılıb.

"Nour 3" İslam İnqilabı Keşikçiləri Korpusu (Sepah) İran istehsalı olan "Ghassed" raketindən istifadə edərək buraxılıb.

Bundan əvvəl İran hökumətinin sözçüsü Əli Bahadori Cəhromi bildirmişdi ki, İran 8 il ərzində kosmik gəmilərin buraxılması və digər kosmik xidmətlərin göstərilməsi sahəsində regional mərkəzə çevrilmək niyyətindədir. Onun sözlərinə görə, beynəlxalq buraxılışlar üçün əsas yer hazırda İran Kosmik Təşkilatının rəhbərliyi altında inşa olunan Çabahar kosmik bazası olacaq.

Cəhromi əlavə edib ki, hökumət ölkənin daxili imkanlarından istifadə edərək müxtəlif növ telekommunikasiya, ölçmə və radar peyklərinin layihələndirilməsi və tikintisi üzrə proqramları nəzərdən keçirir.

Mənbə: yenisabah.az