İsveçrədə məktəbliləri sarımsaq yeyib dərsə gəlməyə məcbur edirlər - Niyə?

İsveçrədə məktəbliləri sarımsaq yeyib dərsə gəlməyə məcbur edirlər - Niyə?

"Sarımsaq" deyiləndə ağla ilk gələn şey ağızdan gələn pis qoxudur. Buna baxmayaraq, güclü antioksidant olan sarımsağın faydaları sayılmaqla bitmir.

Yenisabah.az bu tərəvəzin faydalarını təqdim edir:

Sarımsaq mineral və vitamin anbarıdır desək, yanılmarıq. Tərkibində A, B, C vitaminləri, kükürd (sarımsağın spesifik qoxusu onunla əlaqədardır), maqnezium, yod, 21 növ təbii antibakterial maddə və s. var. Çox güclü mikroböldürücü xassəyə malikdir.

Xüsusən, qrip viruslarını öldürür, qrip və soyuqdəymənin ağırlaşmasının qarşısını alır, habelə sarımsağın təkibindəki uçucu yağlar otaq havasındakı virusları belə məhv edir. Nəhayət, sarımsaq yeyən adamın ağzından iy gəldiyi üçün hamı ondan uzaq olur və qripə yoluxmur.

İsveçrədə məktəbli uşaqları sarımsaq yeyib dərsə gəlməyə məcbur edirlər, çünki sarımsaq yeyən uşaqlar digərlərinə nisbətən yoluxucu xəstəliklərə, əzələ qıcolmalarına və əzələ iflicinə daha az tutulurlar.

Hər gün sarımsaq yeyilməsi qan damarlarını rezin kimi elastik edir, qan sızmalarının qarşısını alır, infarkt, insult, yüksək təzyiq, qanda yüksək xolesterin kimi xəstəliklərə tutulma riskini azaldır.

Mütəmadi olaraq çiy və ya az bişmiş sarımsaq istifadə etmək bağırsaq və mədə xərçəngi başda olmaqla, müxtəlif xərçəng növlərinin yaranma riskini azaldır.

Sarımsaq bir çox mədəniyyətdə cinsi istəyi artıran maddə (afrodiziak) kimi tanınır. Nitrid-oksid ifrazına təşviq edən sarımsaq xolestrolu azaldıb qan təzyiqini artırır. Bu xüsusiyyəti ilə viaqradan daha təsirli olduğu isbatlanıb.

Sarımsaq yedikdən sonra cəfəri və ya quru qəhvə çeynəmək pis qoxunu götürür. Həmçinin mixək də buna bənzər təsirə malikdir. Qoxunu azaltmaq üçün sarımsaq iri-iri doğranıb qatıqla qarışdırılır və çeynəmədən udulur.

Əsmətxanım

 

Mənbə: yenisabah.az