Rusiyada yaşayan əcnəbilərin sayı son bir ildə 700 min nəfər azalıb.
2026-cı ilin aprelində Rusiya ərazisində 6,1 milyon xarici ölkə vətəndaşı olub. Bir il əvvəl isə bu göstərici 6,8 milyon nəfər təşkil edirdi.
Məlumata görə, 2026-cı ilin birinci rübündə Rusiyaya 2,5 milyon əcnəbi daxil olub. Bu, ötən ilin eyni dövrü ilə müqayisədə 15 faiz azdır.
Ölkəyə gələnlərin təxminən 1,8 milyonu MDB ölkələrinin vətəndaşlarıdır.
Eyni zamanda, 2026-cı ilin birinci rübündə əcnəbilər tərəfindən 7,6 min cinayət törədilib.
Bildirilir ki, bu göstərici illik müqayisədə təxminən 39 faiz azalıb.
Mənbə: bizim.media
scorpion.az