“Ən çox tələb olunan tibbi arayışlar elektronlaşdırılıb. Bu, kağız üzərində olan arayışlara bərabər olacaq”.
Bu barədə “Elektron tibbi arayış” xidmətinin təqdimatı mərasimində TƏBİB-in İcraçı direktoru Vüqar Qurbanov bildirib.
O qeyd edib ki, elektronlaşma ilə tibb müəssisələrindəki növbələr aradan qaldırılacaq: “Əvvəllər kağız üzərində arayış növbələrə səbəb olurdu. Vətəndaşlar hazır olanda onu almaq üçün bir dəfə də tibb müəssisəsinə gəlməli olurdular. Bu həm də kağıza qənaət deməkdir. COP29-un keçiriləcəyi ərəfədə hesab edirəm ki, bu elektronlaşma səmərəli olacaq”.
***
Elm və təhsil nazirinin müavini Həsən Həsənli isə bildirib ki, arayışların elektronlaşması vətəndaşlara xidmətlər zəncirində ən həssas məqamlardan biridir: “Təkcə ali təhsillə bağlı hər il 65 min vətəndaş arayışla bağlı müraciət edir. Biz bu prosesi nə qədər sürətli etsək, vaxta qənaət etmiş olarıq”.
O qeyd edib ki, bu prosesin elektronlaşması vətəndaşların keçəcəyi prosesin daha rahat və şəffaf olmasına imkan yaradacaq.
Gülnar Əliyeva
Mənbə: qafqazinfo.az