Hollivud aktyoru Ben Afflekin keçmiş həyat yoldaşı Cennifer Qarner onun dünya pop musiqisinin ulduzu, arvadı Cennifer Lopezlə evliliyini xilas etməyə çalışır.

Bu haqda insayder “Us Weekly” nəşrinə məlumat verib.

“O, münasibətlərini tamamilə dəstəkləyir və onun xoşbəxt olmasından başqa heç nə istəmir”, - deyə mənbə bildirib.

52 yaşlı Qarner keçmiş ərinin yeni arvadı ilə yaxşı münasibət saxlayır. Bununla belə, bəzən sosial şəbəkədə Lopezin Benin keçmiş arvadı ilə yaxın dostluğundan o qədər də məmnun olmadığı, eləcə də paparazzilərin çəkdiyi fotolarda Afflekin keçmiş həyat yoldaşının yanında həmişə çox xoşbəxt görünməsi ilə bağlı şayiələr yayılıb.


Eyni zamanda, Cenniferin özü ilə olan fotoda o, əksinə, tutqun və məzlum görünür. Bir gün əvvəl yeni “Atlas” filminin qala gecəsində qırmızı xalça üzərində təkbaşına gəzən Cenniferin özü jurnalistlərlə söhbətində “bəzən özünü səhv başa düşdüyünü hiss edir” sözlərini dilə gətirib.

İnsayderin sözlərinə görə, Ben Afflek Cennifer Lopezlə boşanmağa ehtiyacı olduğunu anlayır.

Qeyd edək ki, Lopez və Afflekin boşanması ilə bağlı şayiələr onların ayrı yaşadığı məlum olduqdan sonra müzakirə olunmağa başlayıb. İnsayderlər bildiriblər ki, Ben Afflek bir neçə həftə əvvəl Los-Ancelesdəki evlərindən köçüb. Bundan əvvəl Ben Afflek nikah üzüyü olmadan görüntülənib.


Xatırladaq ki, Ben Afflek və Cennifer Lopez 2000-ci illərin əvvəllərində tanış oldular və görüşməyə başlayıblar. Onlar 2003-cü ildə nişanlandıqlarını elan ediblər, lakin tezliklə münasibətlərə ara veriblər. Pandemiya zamanı ulduzlar yenidən ünsiyyət qurmağa başlayıb və münasibətlərinə bir şans daha verməyə qərar veriblər. Cütlük 2022-ci ildə ailə həyatı qurub. Lopesdən ilk ayrıldıqdan sonra Ben Afflek 13 il birlikdə yaşadığı Cennifer Qarnerlə evlənib. Onlar isə 2018-ci ildə boşanıblar. İndi onlar isti münasibət saxlayırlar.

Mənbə: bizim.media