Macarıstanın yeni hökuməti Ukraynaya silah tədarük etməyəcək
TASS-a istinadla xəbər verilir ki, bu barədə Macarıstanın xarici işlər naziri Anita Orban almaniyalı həmkarı Yohann Vadeful ilə danışıqların yekununa dair keçirilən mətbuat konfransında bəyan edib.
"Macarıstan istənilən digər ölkənin Avropa İttifaqına (Aİ) xidmətlərə əsaslanan üzvlüyünün tərəfdarıdır. Silah tədarükünə gəlincə isə mövqeyimiz tamamilə aydındır. Biz bunu seçki kampaniyası zamanı da ifadə etmişdik. Ukraynaya silah daşınmasını dəstəkləmirik", - deyə Macarıstan XİN rəhbəri bildirib.
Orban əlavə edib ki, iyunun 3-də Ukrayna və Macarıstan diplomatlarının görüşü baş tutub.
Danışıqlar zamanı ölkələr Zakarpatyedəki macarıstanlı milli azlığın hüquqlarının qaytarılması məsələsində razılıq əldə edə biliblər. Nazirin sözlərinə görə, bu razılaşma Macarıstan hökumətinə Ukraynanın Avropa İttifaqına daxil olması ilə bağlı danışıqların başlanmasına qarşı etirazlarını geri götürməyə imkan verib.
Mənbə: bizim.media
scorpion.az