İsrailin Baş naziri Benyamin Netanyahu ölkəsinin milli təhlükəsizliyi, suverenliyi və mövcudluq hüququ ilə bağlı növbəti sərt bəyanatla çıxış edib.
İsrail hökumətinin rəhbəri regionda sülhün bərqərar olunması yolunda əsas maneənin İsrail olmadığını vurğulayıb.
Netanyahu bəyanatında bildirib: "Sülhün yolundakı maneə İsrail deyil. Məsələ bizim öz dövlətimizdə yaşamaq kimi təbii varlıq hüququmuz uğrunda apardığımız mübarizədə deyil. İllüziyalar və xəyallar üzərində qurulan sülh Yaxın Şərqin sərt reallıq qayalarına çırpılaraq dağılacaq".
İsrail Baş naziri qətiyyətli mövqeyini ifadə edərək əlavə edib: "İsrail tarixi faktları, bizim var olmaq hüququmuzu tanımaqdan imtina edənlərə və ya terrorizmi sakitləşdirməyə çalışanlara güzəştə getmək naminə öz mövcudluğunu riskə atmayacaq".
Mənbə: musavat.com
scorpion.az