Hind okeanındakı Britaniya hərbi bazasına hücumdan səkkiz ay sonra İran faktiki olaraq bu hücumda iştirakını təsdiqləyib.
İran xəbər agentliyi SNN-in məlumatına görə, bu açıqlamanı İslam İnqilabı Keşikçiləri Korpusunun (İİKK) sözçüsü general Məhəmməd Mohebbi verib.
"Biz artıq Dieqo Qarsiya yaxınlığında 4500 kilometr mənzilli raket qabiliyyətimizi nümayiş etdirmişik", - deyə o qeyd edib.
İranın Hind okeanındakı Britaniya bazasına hücumu barədə məlumatlar mart ayında ortaya çıxıb, lakin Tehran onları təsdiqləməyib.
Mohebbinin sözlərinə görə, İran raketləri üçün 2000 kilometr mənzil limiti əvvəllər keçmiş Ali Liderin əmrləri ilə tətbiq olunmuşdu.
İİKK sözçüsü bildirib ki, "Raket qabiliyyətimiz elədir ki, əgər Ali Rəhbər əmr verərsə, coğrafi məhdudiyyətlər olmadan əməliyyatlar apara bilərik".
O, həmçinin Vaşinqtonun İranın ABŞ-ı kimyəvi silah və ya kiberhücumlarla təhdid etməsi iddialarını rədd edərək, onları İsrail və Amerika liderlərinin psixoloji müharibəsi və aldatma əməliyyatlarının bir hissəsi adlandırıb. Mohebbinin sözlərinə görə, əgər İran nə vaxtsa hücum etmək qərarına gəlsə, bunu açıq şəkildə elan edəcək və əməliyyatı eyni dərəcədə açıq şəkildə həyata keçirəcək.
Mənbə: unikal.az