Sovet İttifaqı Kommunist Partiyası Mərkəzi Komitəsinin birinci katibi Leonid Brejnevin nəticəsi Anton Milayev Rusiya-Ukrayna müharibəsində əsir düşüb.
Bu barədə “Baza” teleqram kanalı məlumat yayıb.
Bildirilir ki, sovet liderinin qızı Qalina Brejnevanın övladlığa götürülən nəvəsi olan 45 yaşlı Anton Milayev 2025-ci ilin payızında minaaxtaran qismində cəbhəyə yollanıb, lakin noyabr ayında onunla əlaqə kəsilib.
Milayevin anası İrina Kuznetsovanın sözlərinə görə, oğlunun itkin düşməsindən bir neçə ay sonra o, hərbçinin Ukrayna Silahlı Qüvvələrinin nəzarəti altında olan Xerson vilayəti ərazilərində əsirlikdə olduğunu öyrənib.
Qeyd edək ki, A.Milayev Q.Brejnevanın birinci həyat yoldaşı, sirk artisti Yevgeni Milayevin nəvəsidir. Anton Milayev də babası kimi sirk artistidir.
Mənbə: qafqazinfo.az
scorpion.az