Göyçay rayonunda geniş ərazini əhatə edən yanğın baş verib.
Yanğın ilkin olaraq rayonun Qaraməryəm kəndi ərazisindən başlayıb və digər yaxın kəndlərin istiqamətində yayılıb.
Güclü küləyin təsiri ilə alov qısa müddətdə geniş ərazini bürüyüb.
Yanğın nəticəsində dağlıq və düzənlik ərazilərdə yerləşən hektarlarla örüş sahəsi, biçilmiş taxıl zəmiləri və kolluq ərazilər yanıb. Alovun yaşayış məntəqələrinə keçməsinin qarşısının alınması istiqamətində zəruri tədbirlər görülüb.
Əraziyə Fövqəladə Hallar Nazirliyinin Dövlət Yanğından Mühafizə Xidmətinin Göyçay üzrə yerli bölməsinin canlı qüvvəsi və xüsusi texnikası cəlb edilib. Yanğınla mübarizə fasiləsiz davam etdirilir. Hazırda yanğının tam söndürülməsi və alovun daha geniş ərazilərə yayılmasının qarşısının alınması istiqamətində tədbirlər görülür.
Mənbə: bizim.media
scorpion.az