Şənbə günü axşam saatlarında Ukraynanın paytaxtı Kiyev şəhərinə endirilən hava zərbələri nəticəsində azı üç nəfər müxtəlif dərəcəli bədən xəsarətləri alıb.
Bu barədə Ukrayna Fövqəladə Hallar üzrə Dövlət Xidməti (DSNS) rəsmi məlumat yayıb. Məlumata əsasən, şəhərin Obolon rayonunda dron vurulması nəticəsində 12 mərtəbəli yaşayış binasının bir neçə mərtəbəsində güclü yanğın alovlanıb və xilasedicilər tərəfindən söndürülüb.
Podol rayonunda zərbə qeyri-yaşayış binasına dəyib, Qoloseyev rayonunda isə inzibati bina və təsərrüfat obyekti alovlara bürünüb.
Hadisə yerlərinə təcili xidmət briqadaları cəlb olunub, xəsarət alan şəxslərə dərhal ilkin tibbi yardım göstərilib.
Mənbə: azxeber.com
scorpion.az