Gələcəkdə Dünya Kubokunda iştirak edən milli komandaların sayı 64-ə çatdırıla bilər.
Bunu FIFA prezidenti Canni İnfantino deyib.
FIFA prezidenti turnirin formatının daha da genişləndirilməsinin nəzərdən keçiriləcəyini açıqlayıb. O, 2026-cı il Dünya Kubokunda iştirakçıların sayının ilk dəfə 32-dən 48-ə qaldırıldığını xatırladıb.
İnfantinonun sözlərinə görə, Dünya Kubokunda oynamaq arzusu yalnız seçilmiş bir neçə ölkə ilə məhdudlaşmamalıdır; bütün milli komandalar buna can ata bilməlidir. FIFA prezidenti 64 komandalı formatın müzakirə olunacağını, lakin hələlik yekun qərar verilmədiyini vurğulayıb.
Mənbə: unikal.az
scorpion.az