Bunun əsas səbəblərindən biri isə görüntülərin saxlanıldığı sərt diskin - HDD-nin düzgün seçilməməsidir. Hansı ki, həmin kameraların qeydə aldığı görüntülərin taleyi birbaşa bu disklərdən asılıdır.

İkinci əl HDD istifadə edirsinizsə, kameranız əslində heç nə qeydə almır!

Təhlükəsizlik kameraları aylarla və ya illərlə görüntüləri qeydə ala bilər. Ancaq həmin video qeydlərin yaddaşda saxlanması, sizin üçün hər zaman əlçatan olması üçün HDD-nin də işlək olması vacibdir. Sadə dillə desək, təhlükəsizlik kameralarının ətrafdakı insanları və baş verən hadisələri sizə çatdırması, arxiv toplaması üçün onun "sağlam beynə" ehtiyacı var. Əgər sistemdə köhnə, keyfiyyətsiz və ya ikinci əl HDD istifadə olunarsa, ən vacib anda kameranın "beyni" sıfırlana, görüntülər arxivdə olmaya, silinə və ya ümumiyyətlə yazılmaya bilər.

İkinci əl HDD-lər həyatınızı və mal-mülkünüzü təhlükəyə atır!

Gəlin razılaşaq ki, bizim və sevdiklərimizin həyatı oğurluq, qəza, yanğın və digər arzuolunmaz hadisələrdən sığortalanmayıb. İllərlə topladığınız pulların bir anda evinizdən yox olması, mənbəyi bilinməyən yanğın hadisəsi, yad insanların həyətinizə girməyə çalışması kimi müxtəlif xoşagəlməz məqamlarla qarşılaşa bilərsiniz. Bu zaman kamera qeydləri nə baş verdiyini öyrənmək və bəzi nüansları sübut etmək üçün köməyinizə çatır. Ancaq təsəvvür edin ki, belə vacib anda görünütlərin əvəzinə, sistemə daxil olduqda "Yaddaş qurğusu tapılmadı", "Məlumatlar tapılmadı" kimi bildirişlərlə qarşılaşırsınız. Bu isə sistemin məlumat toplayan "beyni" olan sərt diskin, yəni HDD-nin sıradan çıxmasından qaynaqlanır.

Belə hallar üçün mütəxəssislər nə tövsiyə edirlər?

HDD-lərin ömrünü tez başa vurmasına başlıca səbəb yaddaş qurğusu seçərkən ucuz, ikinci əl məhsullara üstünlük verilməsidir. Təhlükəsizlik sistemi quraşdırılarkən HDD-lər bəzən adi və kiçik detal kimi qəbul edilir. Xərclərə qənaət etmək istəyi istehlakçıları bazarda "az işlənmiş disklər", "yenilənmiş disklər" və ya "sərfəli HDD" adı altında satılan ikinci əl disklərə yönəldir.

Azərbaycan bazarında təhlükəsizlik sistemləri üzrə ixtisaslaşmış ABV şirkətinin eksperti Həzrət Qonaqov bunun çox ciddi risklər daşıdığını bildirib:

"Monitorinqlərimiz göstərir ki, təhlükəsizlik sistemləri bazarında köhnəlmiş və resursu tükənmiş HDD-lərə tələbat sürətlə artır. İstehlakçılar cüzi maliyyə fərqinə görə həm öz həyatlarının, həm əmlaklarının, həm də məlumatlarının təhlükəsizliyini sual altında qoyurlar. Unutmaq olmaz ki, yaddaş blokunun sıradan çıxması yüksək büdcəli video müşahidə sistemini belə anında yararsız dəmir parçasına çevirir. Təəssüf ki, bu gün bir çox təhlükəsizlik şəbəkələrini çökdürən əsas səbəb qənaət məqsədilə quraşdırılmış keyfiyyətsiz və ikinci əl sərt disklərdir".

Ucuz və ikinci əl HDD alaraq daha çox ziyana düşə bilərsiniz.

Təhlükəsizliyinizi etibar etdiyiniz işlənmiş HDD-lər ucuz olsalar da, sonradan daha böyük pullar itirməyinizə gətirib çıxara bilər.

- Kamera görüntülərinin anidən silinməsi;

- Gözlə görünməyən daxili xətaların olması;

- Zəmanətin olmaması;

- "Bərpa olunub" adı ilə ömrü tükənən disklər;

- Zəif performans və kadr itkisi;

- 24/7 iş rejiminə uyğunsuzluq.

Keyfiyyətli HDD seçərkən bunlara diqqət edin!

Keyfiyyətli HDD seçərkən ilk növbədə onun yeni və rəsmi məhsul olmasına diqqət edilməli, qutu açılışı və zəmanət sənədi satıcının yanında tələb olunmalıdır. Videomüşahidə üçün nəzərdə tutulan "Surveillance", "For CCTV" və ya "24/7" kimi işarəli disklərə üstünlük verilməlidir. Həmçinin kameraların sayına və arxiv müddətinə uyğun olaraq düzgün həcm (1 TB, 2 TB və s.) seçilməli, diskin daim dolub-silinmə rejimində işləməsinin ömrünü azaltdığı nəzərə alınmalıdır. Zəmanətli məhsul seçmək və HDD-ni yalnız rəsmi, etibarlı satıcılardan almaq isə riskləri minimuma endirir.

Haradan orijinal HDD almaq olar?

Azərbaycan bazarında 30 ildən çox təcrübəyə malik ABV şirkəti müştərilərinə məhz rəsmi zəmanətli və peşəkar texniki dəstəkli orijinal "Hikvision" HDD-lərini təqdim edir. Xüsusi olaraq 24/7 fasiləsiz video müşahidə sistemləri üçün dizayn edilmiş bu disklər məlumatların itkisiz və sürətli yazılmasını təmin edərək sistemin uzunömürlülüyünə tam zəmanət verir. Hazırda paytaxtda 4 mağaza və 1 servis mərkəzi ilə xidmət göstərən şirkətin müasir təhlükəsizlik həlləri barədə ətraflı məlumatı abv.az saytından, sosial media hesablarından və ya *9393 qısa nömrəsi vasitəsilə çağrı mərkəzindən öyrənmək mümkündür.

Təhlükəsizliyinizi taleyin öhdəsinə yox, etibarlı və keyfiyyətli HDD-lərə həvalə edin!

Mənbə: oxu.az