İrəvan məhkəməsi konstitusiya quruluşunu devirmək üçün terror aktları hazırlamaqda təqsirləndirilən müxalif “Ermənistan” fraksiyasının deputatı Artur Sarkisyanın ev dustaqlığı müddətini iki ay uzadıb.
Bu barədə TASS məlumat yayıb.
Agentliyin məlumatına görə, müdafiə tərəfinin etirazlarına baxmayaraq, məhkəmə prokurorun vəsatətini təmin edib.
“Bu qərar zaldakı vətəndaşların narazılığına səbəb olub və onlar “Rüsvayçılıq!” deyə şüar səsləndirməyə başlayıblar”, - deyə materialda qeyd olunub.
2025-ci ilin iyulunda Sarkisyan terror aktları hazırlamaq ittihamı ilə iki ay müddətinə həbs edilmişdi. Dekabrda Ermənistanın Apellyasiya Cinayət Məhkəməsi qətimkan tədbirini ev dustaqlığı və girovla dəyişdirib.
Həmin ildə Ermənistanın İstintaq Komitəsi parlamentdəki ən böyük müxalifət fraksiyası olan “Ermənistan”ın rəhbəri və respublikanın keçmiş müdafiə naziri Seyran Ohanyana qarşı cinayət işi açıb. O, vəzifə səlahiyyətlərindən sui-istifadə etməkdə, rüşvət almaqda, çirkli pulların yuyulmasında və gəlir bəyannaməsində yalan məlumatlar təqdim etməkdə ittiham olunub.
Hüseyn İbadlı
Mənbə: publika.az
scorpion.az