Hindistanın şimal-şərqindəki Assam əyalətində baş verən şiddətli daşqınlar nəticəsində ölənlərin sayı 41-ə çatıb.
"Hindustan Times" qəzetinin Assam Dövlət Fəlakətlərin İdarə Edilməsi İdarəsinə istinadən verdiyi məlumata görə, son 24 saat ərzində daşqınlarda daha 10 nəfər ölüb.
Bu, Assamda ölənlərin ümumi sayını 41-ə çatdırır, ştatın 25 rayonunda isə ümumilikdə yeddi yüz mindən artıq insan daşqınlardan zərər çəkib.
Assamın baş naziri Himanta Bisva Sarma 100-dən çox insanın itkin düşdüyünü və ölənlərin sayının arta biləcəyini bildirib.
Hindistan ordusu ştatda davam edən axtarış-xilasetmə əməliyyatlarına kömək edir.
Mənbə: sitat.info
scorpion.az