Qırğızıstan biznesin aparılması və investisiyaların cəlb edilməsi üçün bütün zəruri şəraiti yaradıb
Bu barədə Qırğızıstanın Ticarət-Sənaye Palatasının vitse-prezidenti Mamasadık Bəkirov Şuşada keçirilən 6-cı İƏT biznes forumunda bəyan edib.
O vurğulayıb ki, investorlara, sahibkarlara və rezidentlərə həm hüquqi cəhətdən, həm də praktikada - layihənin başlanğıcından tamamlanmasına qədər hərtərəfli dəstək göstərməyə hazırdırlar: "Ticarət-Sənaye Palatası hər bir layihəni bütün mərhələlərdə müşayiət edəcək".
M.Bəkirovun sözlərinə görə, biznesin inkişafı İƏT-ə üzv ölkələr üçün əsas prioritetlərdən biridir.
"Dövlət başçıları - Türkiyə, Azərbaycan, Özbəkistan, Qazaxıstan və digər ölkələrin rəhbərləri iqtisadi əməkdaşlığa böyük əhəmiyyət verirlər. Onlar hər zaman biznesə dəstək göstərirlər", - o əlavə edib.
Mənbə: report.az
scorpion.az