Yəmən husilərinin sözçüsü televiziya çıxışında qrupun Səudiyyə Ərəbistanına qarşı dəniz blokadasına başladığını elan edib.
Bu barədə “Reuters” məlumat yayıb.
Bildirilib ki, blokada Səudiyyə Ərəbistanının təxminən 12 ildir davam edən “ədalətsiz və qəddar mühasirəsi”nə cavab olaraq tətbiq edilib.
Ötən həftə husilər Səudiyyə Ərəbistanı ərazisinə raket zərbələri endirərək krallığı onların nəzarəti altında olan Yəməndəki hava limanını bombalamaqda günahlandırıblar. Husilər həmçinin Səudiyyə Ərəbistanını 2022-ci ildən bəri iki tərəf arasında qüvvədə olan qeyri-rəsmi atəşkəsi pozmaqda ittiham etdilər.
Səudiyyə Ərəbistanı, Yəmən də daxil olmaqla səkkiz ölkə ilə həmsərhəd olan Qırmızı dənizdən neft daşıyır. Qırmızı dəniz Asiya və Avropa arasında həyati əhəmiyyətli ticarət yoludur. Uzun illərdir ki, Səudiyyə Ərəbistanı 2015-ci ildən bəri Yəmənin beynəlxalq səviyyədə tanınmış hökumətini husi üsyançılarına qarşı mübarizədə dəstəkləyən koalisiyada aparıcı rol oynayıb.
Husilər blokadanı ABŞ-İran müharibəsi və iki ölkə arasında uğursuz atəşkəs razılaşması fonunda elan etdilər. Tehran husiləri dəstəkləyir. Səudiyyə Ərəbistanı Vaşinqtonun Yaxın Şərqdəki müttəfiqlərindən biridir.
Mənbə: www.bakupost.az
scorpion.az