MLS çempionatının növbəti turunda "İnter Mayami" doğma meydanda "DC Yunayted"i qəbul edib.
Bizim.Media xəbər verir ki, Fort Lauderdeyldəki DVR stadionunda baş tutan görüş meydan sahiblərinin 1:0 hesablı qələbəsi ilə başa çatıb.
Qələbə qolunu 90+4-cü dəqiqədə Leonardo Kampana vurub.
Qeyd edək ki, hücumçular Lionel Messi və Luis Suares "İnter Mayami"də start heyətində yer alıblar.
Beləliklə, İnter Mayami MLS-dəki məğlubiyyətsizlik seriyasını doqquz matça çatdırıb - üç heç-heçə və altı qələbə.
Hazırda MLS-in turnir cədvəlinə 31 xalla "İnter Mayami" başçılıq edir. Onun rəqibi isə 17 xalla turnir cədvəlinin 17-ci pilləsindədir.
Növbəti turda "İnter Mayami" "Vankuver Uaytkeps"lə qarşılaşacaq.
Mənbə: bizim.media
scorpion.az